وطین کی جانب سے وارد پوسٹ پیڈ صارفین کے لیے مفت کنکشن

وطین کی جانب سے حال ہی میں وارد صارفین کے لیے ایک نئی آفر متعارف کروائی گئی ہے۔ اس آفر کے ذریعے وارد کے پوسٹ پیڈ صارفین وطین کا انٹرنیٹ کنکشن بالکل مفت حاصل کر سکتے ہیں۔

اس آفر میں تمام اپ فرنٹ چارجز ختم کر دیے گئے ہیں۔ یعنی صارفین کو کنکشن مفت فراہم کیا جائے گا لیکن پیکج کے حساب سے ماہانہ لائین رینٹ انہیں بہرحال ادا کرنا ہی ہوگا۔

لگتا یوں ہے کہ وطین کی ری لانچ بھی صارفین کو اپنی طرف متوجہ نہیں کر پائی لہذا اب کمپنی کی جانب سے وارد کے نیٹورک کو استعمال کرتے ہوئے اپنے صارفین کو بڑھانے کی کوشش کی جارہی ہے۔ اب دیکھنا یہ ہے کہ اس میں کس حد تک کامیابی حاصل ہوتی ہے۔