پانی سے چلنے والی بوتل گھڑی

بوتل میں جن کے بارے میں تو سبھی نے سنا ہوگا لیکن بوتل میں گھڑی ایک نئی چیز ہے۔ ایمازون سٹور پر دستیاب یہ انوکھی گھڑی بوتل میں موجود پانی کی مدد سے چلتی ہے۔

آپ بوتل کی شفاف سطح سے الیکٹروڈ پلیٹس کو بخوبی دیکھ سکتے ہیں، بوتل کے وسط میں ایک کم وولٹیج کی الیکٹرانک گھڑی نصب کی گئی ہے۔

گھڑی کو چلانے کے لیے آپ کو اس میں پانی یا کوئی اور مشروب ڈالنا ہوگا، اگر اس پانی میں نمکیات کی مقدار زیادہ ہوگی تو گھڑی زیادہ عرصہ تک کام کرے گی۔ بہتر نتائج کے لیے آپ کو کم و بیش دو ہفتوں بعد اسکا پانی بدل سکتے ہیں۔

اس گھڑی کی تیاری میں کوئی راکٹ سائنس کا استعمال نہیں ہوا، اور الیکٹرانکس کی تھوڑی بہت سمجھ بوجھ رکھنے والے افراد مناسب سامان کے ساتھ خود بھی ایسی گھڑی تیار کرسکتے ہیں۔