مختلف کمپنیاں اپنی مصنوعات کی تشہیر کے لیے کسی خاص علاقے یا افراد کے ایک مخصوص گروپ کو مفت سامپل فراہم کرتی ہیں۔ تاہم مشہور کولا ڈرنک بنانے والی کمپنی پیپسی کی جانب سے تشہیر کا ایک نیا انداز اپنایا گیا۔
بیلجیئم کی ایک ایڈورٹائزنگ کمپنی کے تعاون سے پیپسی نے فیس بک لائک مشین تیار کی ہے جو آپ کو پیپسی کا فیس بک صفحہ لائک کرنے پر مفت پیپسی کین فراہم کرتی ہے۔ مفت پیپسی دو طریقوں سے حاصل کی جاسکتی ہے، اس کے لیے آپ مشین کے قریب جا کر اپنے سمارٹ فون سے فیس بک پر پیپسی کا صفحہ لائک کرنا ہوگا، آپ کی لوکیشن سیٹنگز کو استعمال کرتے ہوئے یہ مشین مفت پیپسی کین فراہم کرے گی۔
دوسرا طریقہ یہ ہے کہ اگر آپکے پاس سمارٹ فون یا لیپ ٹاپ موجود نہیں تو آپ مشین میں نصب ٹچ سکرین کے ذریعے اپنا فیس بک اکاؤنٹ لاگ ان کیجئے اور وہاں سے پیپسی کا پیج لائک کریں جس پر مشین فوری طور پر ایک پیپسی کین اگل دے گی۔ تاہم اس طریقہ میں خدشہ یہ ہے کہ آپکی فیس بک معلومات چوری بھی ہوسکتی ہیں یا ساتھ کھڑا کوئی فرد انہیں پڑھ سکتا ہے۔
پیپسی کے مطابق اس نئی تشہیری مہم کے ذریعے انہیں یہ معلوم کرنے میں کوئی دقت نہ ہوگی کہ کن افراد نے انکے کولا ڈرنک کو پسند کیا ہے اور انکا تعلق کس جگہ سے ہے۔ آپ کے خیال میں پیپسی کی یہ نئی تشہیری مہم پاس ہے یا فیل؟ اور اگر ایسی کوئی پروموشن پاکستان میں شروع کی جائے تو کیا آپ اس میں حصہ لیں گے؟
اس تشہیری مہم کے بارے میں مزید جاننے کے لیے یہ ویڈیو ملاحظہ کیجئے: