سلمان امجد
چاہے کمپیوٹر ہو یا موبائل، اکثر ایسا ہوتا ہے کہ آپ کا قیمتی ڈیٹا، تصاویر یا اور کوئی۔فائلز غلطی سے ڈیلیٹ ہوجاتی ہیں یا پھر انہیں کوئی وائرس میموری سے خذف کر دیتا ہے۔
تاہم ایسی صورت میں زیادہ گھبرانے کی ضرورت نہیں ہوتی، اس وقت بہت سے ڈیٹا ریکوری ٹولز موجود ہیں جو آپ کو موبائل، ڈیسکٹاپ یا لیپ ٹاپ کمپیوٹر سے خذف کی گئی فائلز کو بھی ڈھونڈ نکالتے ہیں۔
اس حوالے سے آج ہم EaseUS Data Recovery Wizard کے بارے میں آپ کو بتائیں گے جو مفت بھی ہے اور ونڈوز اور میک دونوں طرح کے آپریٹنگ سسٹمز کے لیے دستیاب ہے۔
کسی بھی کمپیوٹر یا موبائل سے خذف کیا گیا ڈیٹا حاصل کرنا ممکن ہے
اس سافٹوئر کے ذریعے آپ اپنی ہارڈ ڈرائیو، یو ایس بی، میموری کارڈ، کیمرہ، موبائل فون اور دیگر بہت سی ڈیوائسز سے خذف کیا گیا ڈیٹا باآسانی واپس حاصل کر سکتے ہیں۔
ڈیٹا ریکور کرنے کے لیے سب سے پہلے اس لنک سے سافٹوئیر کا مفت ورژن حاصل کریں اور اسے اپنے کمپیوٹر پر انسٹال کریں۔ یاد رہے کہ مفت ورژن میں آپ 2 گیگا بائیٹ تک ڈیٹا ریکور کرسکتے ہیں جبک مزید ڈیٹا ریکوری کے لیے آپ کو اس کا لائسنس خریدنا ہوگا۔
پروگرام چلانے پر یہ آپ سے بنیادی معلومات حاصل کرے گا، مثلا کیا آپ تمام قسم کی فائلز ڈھونڈنا چاہ رہے ہیں یا صرف تصاویر ، ویڈیوز، یا ای میل وغیرہ۔ اسکے بعد آپ وہ ڈرائیو منتخب کریں گے جس پر خذف کیا گیا ڈیٹا موجود تھا۔
احتیاطی تدابیر ضرور اختیار کریں
یہاں اس بات کا خیال رکھیں کہ جیسے ہی آپ کو معلوم ہو کہ کچھ فائلز آپ کے کمپیوٹر یا موبائل سے خذف ہوگئی ہیں تو اس پر مزید فائلز سٹور نہ کریں۔ مثلاً اگر آپ کی فائلز D ڈرائیو میں تھیں اس ڈرائیو میں مزید ڈیٹا سٹور نہ کریں، ریکوری سافٹوئیر بھی کسی دوسری ڈرائیو پر انسٹال کریں۔
اپنی ہارڈ ڈرائیو منتخب کرنے کے بعد بس سکین کا بٹن دبا دیں، سافٹوئیر سسٹم سے خذف کی گئی تمام فائلز آپ کے سامنے سکرین پر دکھا دے گا، جو فائلز آپ کو چاہیے ہوں انہیں سیلیکٹ کرکے Recover کا بٹن دبا دیں۔
اگر آپ کو پہلے سکین میں مطلوبہ فائلز نہ ملیں تو آپ Deep Scan کی آپشن بھی استعمال کرسکتے ہیں، تاہم اس کے لیے زیادہ وقت درکار ہوگا۔
یہ سافٹوئیر اس لحاظ سے بہت اچھا ہے کہ یہ تمام قسم کی ڈیلیٹ کی گئی فائلز ڈھونڈ نکالتا ہے، تاہم آپ کے پاس مفت ورژن میں ریکیوری کے لیے صرف 2 گیگا بائیٹ تک کی سہولت میسر ہے۔
یہ سافٹوئیر ڈاؤنلوڈ کرنے کے لیے درج ذیل لنک ملاحظہ کیجئے: