ٹوئٹر نے گذشتہ چند سالوں میں اپنے انٹرفیس بھی بہت سی تبدیلیاں کی ہیں اور اب حال ہی میں جاری کیے جانے والے نئے اپڈیٹ کے بعد یہ مائیکروبلاگنگ ویب سائیٹ بڑی حد تک فیس بک کے پرانے ڈیزائن سے مشابہت اختیار کر چکی ہے۔
ٹوئٹر کا یہ نیا پروفائل ڈیزائن تمام نئے اکاؤنٹس پر پہلے سے ایکٹیو کر دیا گیا ہے اور آہستہ آہستہ پرانے اکاؤنٹس کو بھی اس نئے انٹرفیس پر منتقل کر دیا جائے گا۔ اس نئے انٹرفیس کے اہم فیچرز کچھ یوں ہیں:
بڑی پروفائل تصویر اور بیک گروانڈ میں آپکی پسندیدہ کور تصویر
- جن ٹوئٹس کو زیادہ لوگ ’ری ٹوئیٹ‘یا فیورٹ قرار دیں گے وہ باقی ٹوئٹس کے مقابلے میں بڑی نظر آئیں گی۔
- آپ کسی بھی ٹوئیٹ کو صفحہ کے شروع میں پن کرسکتے ہیں اور وہ ہمیشہ تمام ٹوئٹس کے اوپر نظر آئے گی۔
- کسی بھی پروفائل کو دیکھتے ہوئے آپ صرف ٹوئٹس، تصاویر یا ویب سائیٹ لنکس کو فلٹر کرسکتے ہیں۔
ٹوئٹر کا یہ نیا ڈیزائن بہت جلد تمام پروفائلز پر ایکٹیو کر دیا جائے گا۔ کیا آپکی پروفائل کا انٹرفیس اپڈیٹ ہوگیا ہے؟ اور آپکے خیال میں ٹوئٹر کی جانب سے فیس بک کو کاپی کرنا درست ہے یا نہیں؟